首页> 新闻中心> 媒体名家> 正文
 
[英联杯] 东方:紅軍出副選大走諾域治
2021年09月21日14:50 東方
 
 
英聯盃第三圈開打,今輪有多場英超對碰,包括今晚嘅諾域治對利物浦。利物浦對英聯盃無乜興趣人所共知,高普通常會用年輕球員及副選上陣,諾域治或者有機會入波甚至偷雞,今場玩紅軍贏波或者晉級都有風險,睇番兩軍往績,近10次交手8次開3球或以上,轉玩2.5入球大更佳。

(開電視77台、有線661及601台周三凌晨2時45分直播)

紅軍領隊高普近年都係積極喺聯賽同歐聯發展,喺本土盃賽就盡量畀年輕球員發揮,其實呢種分工都係好事,唔使踢來踢去都係嗰班人,又可以畀後生仔上位,不過就搞到紅軍喺英聯盃張成績表唔係太靚,近4季最多殺入8強,對上一次捧盃更已經係2012年。

今場預料情況冇變,由於正選已經有唔少傷兵,包括羅拔圖法明奴、哈維艾利洛、阿歷山大阿諾特等,高普絕對唔會冒險派太多常規正選上陣,預計奧歷治、阿歷士張伯倫、居迪斯鍾斯、占士米拿及祖爾麥迪比等會獲得機會。不過又唔好睇得佢哋太低,奧歷治同居迪斯鍾斯上屆英聯盃頻頻有斬獲,攻力唔差。

諾域治英超5戰全敗,理論上唔想分心盃賽,不過球季啱啱先開始,對住明知會「讓車馬」嘅利物浦,冇理由未踢先舉手投降,事實上雙方近年交手,「金絲雀」往績雖然係差,但都不時入到紅軍波,今場似乎玩入球大更好。

曼城喪炸甲組仔
至於衞冕嘅曼城就會主場對甲組仔韋甘比。雙方實力差天共地,「藍月亮」贏波晉級毫無難度,英國傳媒報道,養傷一段時間嘅奇雲迪布尼同菲爾科頓有機會今場復出,絕對係超晒班,曼城近4場主場3次開5球,入球大值得留意。

(有線662及602台周三凌晨2時45分直播)

>>请看足球比分直播
 
(杰杰)  
 
 
 
≡ 相关链接 ≡
利物浦6千万水货用世界波正名 克洛普要与他续约(2021/09/19 11:35)
英超-马内百球 萨拉赫连场破门 利物浦3-0胜领跑(图)(2021/09/19 11:32)
[英超] 澳彩:利物浦大勝水晶宮冇難度(2021/09/18 14:31)
[英超] 东方:沙拿士哥停不了 紅軍搶韁半場破宮(2021/09/18 14:25)
[欧冠杯] 澳彩:利物浦火併AC米蘭(2021/09/15 15:28)
[欧冠杯] 东方:利物浦穩中求勝做細界(2021/09/15 15:24)