首页> 新闻中心> 媒体名家> 正文
 
[英足杯] 东方:翻版決賽必定謹慎 車仔紅軍追半和
2022年05月14日11:43 東方
 
 
英足盃今晚假溫布萊上演決賽,由車路士同利物浦爭冠。今場係英聯盃決賽翻版戲碼,利物浦該役憑互射12碼捧走冠軍,可見雙方實力難分高下。車仔為爭標定必謹慎,「紅軍」分心多條戰線亦要小心行軍,兩隊近3次交手全開半場和,不妨再追。

(無綫翡翠台周六晚11時45分直播)

車路士同利物浦2月底喺英聯盃決賽碰頭,當時激戰120分鐘踢成0比0,其後演變成馬拉松式互射12碼對決,鬥到第11輪守門員互射,紅軍先至險勝,車仔失落錦標實屬非戰之罪。連同今季英超兩循環交手踢成2比2及1比1,可見雙方實力接近,唔容易分出勝負,今仗再度交鋒,法定時間打和加時,甚至又要互射12碼絕對唔奇。

車路士今次同上場決賽最大分別,就係已經易主,俄羅斯富豪阿布拉莫域已完成賣盤,長達19年嘅阿布時代結束,由新班主美國富商Todd Boehly接手,如果能夠立即捧走英足盃,肯定係最佳賀禮。雖然呢支倫敦球會周中作客以3比0淨勝列斯聯,但今仗對手利物浦實力高幾班,加上高華錫受傷,主帥杜曹必定落「柯打」叫球員謹慎行軍,以免功虧一簣。

利物浦多線叫胡穩中求冠
利物浦正朝史無前例嘅4冠王目標邁進,但上場英超作客2比1反勝阿士東維拉後,喺聯賽仍以3分落後曼城,爭冠機會唔大。由於佢哋要應付多條戰線,加上中場法賓奴上仗勇戰受傷,領隊高普都會叫球員踢得穩陣啲,以免影響之後比賽。雙方近3次交手全開半場和,決賽自然唔敢輕舉妄動,一於再追半和。

>>请看足球比分直播
 
(杰杰)  
 
 
 
≡ 相关链接 ≡
[英足杯] 澳彩:車仔紅軍決戰足總盃(2022/05/14 11:41)
[英超] 东方:車路士留力爭足總盃 列斯聯半和頂得住(2022/05/11 23:32)
[英超] 澳彩:列斯聯主場恭候車路士(2022/05/11 23:27)
[英超] 东方:車仔狼隊鬥踢守細波(2022/05/07 14:14)
[英超] 澳彩:車路士欲勝狼隊(2022/05/07 14:13)