首页> 新闻中心> 媒体名家> 正文
 
[欧国联] 东方:Goal手過招波蘭荷蘭大駁火
2022年09月22日22:16 東方
 
 
今晚歐國聯A4組重頭戲,波蘭主場迎戰荷蘭,兩支世盃決賽周球隊交鋒。荷蘭喺今屆歐國聯錄得3勝1和,包括作客4比1大炒比利時,表現突出,無論球隊質素或近況都唔錯,不過波蘭射手羅拔利雲度夫斯基亦弗到漏油,主場出擊有望取得入波,2.5球入球大玩得過。

(周五凌晨2時45分開賽)

荷蘭舊年喺世盃歐洲區外圍賽一早鎖定首名出線,今年利用「高級版熱身賽」歐國聯試陣及加強磨合,世盃陣容逐漸成型,不過兩名正選後防華基爾雲迪積克同馬菲斯迪歷特,今季喺利物浦同拜仁慕尼黑都有啲回落,後防並唔算好穩陣。

迪比搶胡踢爭氣波
好彩「橙衣軍團」中場人才輩出,法蘭基迪莊表現愈見成熟,兩翼杜費斯、戴利白蘭特及前鋒迪比,相信都係荷蘭喺今屆世盃爭勝主力,趁住歐國聯檔期定必爭取表現及提升狀態。今場亦係兩名巴塞前鋒迪比同羅拔利雲度夫斯基嘅對決,特別係迪比,呢名28歲射手喺巴塞失去正選席位,嚟到國際賽勢必搏盡「數胡」,佢喺今屆歐國聯已累積射入3球,包括對比利時梅開二度,以及上仗3比2險勝威爾斯攻入絕殺球,今仗隨時再有士哥。

波蘭34歲神鋒羅拔利雲度夫斯基今季轉投巴塞後入球不斷,另一箭頭施連斯基喺拿玻里亦表現出色,曾經喺歐聯鬥利物浦時梅開二度,玩殘荷蘭嘅華基爾雲迪積克,有力同荷蘭鬥攻。睇番「風車國」近4場總入球全開3球或以上,入球大值得信賴。

>>请看足球比分直播
 
(杰杰)  
 
 
 
≡ 相关链接 ≡
[欧国联] 东方:比利時練兵試陣追半和(2022/09/22 22:16)
[欧国联] 澳彩:比利時期待作「威」作福(2022/09/22 22:13)
[欧国联] 澳彩:法國盼勝奧地利(2022/09/22 22:13)
[欧国联] 澳彩:荷蘭贏「波」冇難度(2022/09/22 22:13)
[欧国联] 澳彩:土耳其奪「堡」在即(2022/09/22 22:12)
[欧国联] 澳彩:丹麥硬撼克羅地亞(2022/09/22 22:12)
[欧国联] 澳彩:蘇格蘭恭候烏克蘭(2022/09/21 18:23)