首页> 新闻中心> 媒体名家> 正文
 
[世界杯] 东方:卡塔爾厄瓜多爾揭幕戰細搶頭炮
2022年11月20日21:42 東方
 
 
世盃決賽周今晚開波喇!揭幕戰由主辦國卡塔爾對厄瓜多爾,原本係史上最弱戲碼揭幕戰,但由於賽前爆出「假波疑雲」,指卡塔爾用740萬美元收買8名厄瓜多爾球員,內定卡塔爾贏1比0,備受全球關注,預料雙方球員會特別小心,避免犯錯惹上踢假波嫌疑,加上厄瓜多爾近7場比賽總入球全開2球或以下,最好博中位數2.5球嘅入球細。(Viu TV 99、Now 618及616周一凌晨零時直播)

卡塔爾被指係史上最弱東道主,之前從未踢過世盃決賽周,球員全部效力當地聯賽,如非身為東道主,唔需要踢外圍賽爭晉級,卡塔爾都未必踢到今屆決賽周。

不過,呢個西亞小國勝在有錢,由當年涉嫌賄賂國際足協官員,「買起」主辦權,到依家又盛傳斥巨資收買對手「放水」,所以千祈唔好睇小卡塔爾「無形之手」嘅力量,即使整體實力及大賽經驗唔及厄瓜多爾,但今場揭幕戰隨時會有「驚喜」演出。

厄軍鬥亞洲隊旺細
至於南美洲球隊厄瓜多爾有唔少球員喺歐洲主流聯賽搵食,包括效力英超白禮頓嘅摩西斯卡些度,但佢哋過往出戰國際賽表現欠佳,包括今屆在內,僅曾4次打入世盃決賽周,對上一次係2014年分組賽出局。

雖然厄瓜多爾攻力欠佳,但防守尚算不俗,曾於南美區外圍賽打和巴西及阿根廷1比1。球隊為備戰今場大戰,近3場熱身賽都安排同亞洲球隊交手,包括對沙特阿拉伯、日本及伊拉克,全部踢成0比0。

傳出卡塔爾收買厄瓜多爾球員「放水」之後,依家全世界睇到實呢場賽果,厄軍球員應該唔敢亂嚟,但又唔可以得罪「老細」,最好應該係悶和了事,捧入球細最明智。

>>请看足球比分直播
 
(杰杰)  
 
 
 
≡ 相关链接 ≡
[世界杯] 澳彩:卡塔爾擺陣迎戰厄瓜多爾(2022/11/20 21:40)
曝FIFA收到警告信 要求观察卡塔尔是否操纵比赛(2022/11/20 12:42)
英国记者给伊朗主帅制造难题 名帅一番话怒怼(2022/11/16 12:52)