首页> 新闻中心> 媒体名家> 正文
 
[世界杯] 东方:衞冕之路第一擊 法國殘陣細鬥澳洲
2022年11月22日16:35 東方
 
 
輪到法國登場喇!今晚世盃D組首輪尾場,由上屆盟主法國出戰澳洲。法國傷兵滿營,箭頭賓施馬更因傷緣盡世盃,攻力嚴重受削,面對一心死守嘅「袋鼠國」,隨時老鼠拉龜冇碇埋手,2.5球入球細有分頭值博。(Now 618及616周三凌晨3時直播)

雙方繼上屆後再次同組,雖然法國實力強橫,可惜喺世盃開幕前傷兵不斷,先有兩大中場主力保羅普巴及尼高路簡迪重創早早絕緣,之後再有派斯奴甘佩比及尼干古傷出,特別係中場需要由曹亞文尼、拉比奧特擔大旗,無論係默契定級數點都爭啲。

主力後衞華拉尼帶傷入選,賓施馬嘅空缺預計會由基奧特代替,但考慮到「銀河唯一」已經36歲,基沙文亦狀態一般,前線太倚賴基利安麥巴比單打獨鬥,進攻效率打折扣。

袋鼠遇強必龜縮
另一邊廂,憑附加賽殺入世盃嘅澳洲,各項賽事近5仗未輸過,不過阿倫穆爾、馬菲歷基等主力年紀偏大,加上前線把握力一般,近3仗全開2球或以下,遇強必定死守。查實法國各項賽事近5仗贏得1場咁大把,只入4粒及全開2球或以下,攻力認真麻麻,加上之前5屆世盃,有4支衞冕之師喺分組賽出局,包括2002年嘅法國,呢個「衞冕魔咒」威力驚人,「高盧雞」唔想重蹈覆轍,一定小心為上,2.5球細盤有逾兩倍抵玩。

>>请看足球比分直播
 
(杰杰)  
 
 
 
≡ 相关链接 ≡
[世界杯] 澳彩:法國「澳」妙無窮(2022/11/22 16:33)