首页> 新闻中心> 媒体名家> 正文
 
[英超] 东方:防反戰術食住控傳踢法 熱刺快打曼易搶先機
2023年02月05日21:57 東方
 
 
今晚英超爆發激戰,熱刺主場硬撼曼城。兩隊上月先喺聯賽首循環交鋒,熱刺半場領先兩粒下,下半場走晒樣被曼城反勝4比2,短時間內再碰頭,預期戰況一樣咁激。熱刺防反煞食,對住「藍月」控傳踢法往往能先發制人,包括近3次交手全部先入波,加上主場出擊 ,熱刺嘅「第一隊入球」博得過。(Now 621及611周一凌晨零時30分直播)

熱刺早前接連不敵阿仙奴及曼城,好在近兩仗又連贏富咸同普雷斯頓,總算回穩。佢哋今個冬窗積極增兵,包括從愛華頓手上搶簽嘅丹祖馬,已於上仗對普雷斯頓開齋入波,壓線日再重金簽入曾效力曼城嘅右閘柏度樸路,此子今仗有望倒戈,雖然主帥干地因病入院無法領軍,但一班球員落到場就會啟動「自動波」,識得點踢。

曼城轉會窗冇增兵
曼城冬窗冇乜增兵之餘,仲放走埋祖奧簡斯路,原班人腳應付下半季。雖然佢哋早前贏過熱刺,但查實兩隊近年交手互有勝負,熱刺嘅快速反擊遇上哥迪奧拿嘅控傳踢法,往往能佔得先機,好似上次對賽,熱刺作客都可以半場領先兩粒,返到主場兼陣容加強,睇怕又可先拔頭籌。

>>请看足球比分直播
 
(杰杰)  
 
 
 
≡ 相关链接 ≡
[英超] 澳彩:曼城期待拔「刺」(2023/02/05 21:54)
罗马诺:坎塞洛租借加盟拜仁 买断费7000万(2023/01/31 11:31)